Cantas veces sentiches que non terminas de atopar o camiño na educación dos teus fillos?
Para os nosos fillos, a miúdo somos como un mapa que os guía nos seus primeiros pasos pola vida e, con todo, moitas veces desorientámonos tanto coa súa educación que os que acabamos necesitando un mapa somos os pais.
Como conseguir unha comunicación fluída, empática, asertiva e bidireccional? Como fomentar que o meu fillo se acepte e se queira? Como promover que o meu fillo identifique e regule as súas emocións e aborde os novos retos con positividade? Como enfocar a educación da conduta do meu fillo? Como potenciar que o meu fillo se sinta feliz hoxe e mañá?
Con este Mapa para educar nenos felices emprenderemos unha gran viaxe, plano en man, circulando polos aspectos máis importantes da crianza: a comunicación, a autoestima, a intelixencia emocional, a conduta e os valores, así como polas principais ferramentas das que dispoñemos para abordalos.
Este libro ofréceche un mapa onde atoparás as teorías, as experiencias e as reflexións, os contos, as actividades e os casos prácticos necesarios. Todo un periplo impregnado de agarimo, respecto e sentido común, para que cada familia atope o seu propio camiño e viva a crianza dos seus fillos como o que sempre é, unha marabillosa viaxe.