Escrito por Esperanza Habinger, neuropsiquiatra dedicada á divulgación científica, este libro vaite sorprender. Hai moito que entendemos sobre o cerebro, pero aínda máis que descoñecemos! Dentro das nosas cabezas circula electricidade e facemos intercambios máis rápidos que os coches de fórmula 1. As ilustracións de Sole Sebastián fan que aprender deste libro informativo sexa entretido, con experimentos e actividades que manterán o teu cerebro san e adestrado.

Libro gañador do premio The White Ravens, 2020.
Medalla Colibrí, categoría Non Ficción Xuvenil, 2020.

A visión das estrelas, o sabor do chocolate, o recordo dunhas vacacións, a dor que sentes ao caerte e moito máis... Todas estas experiencias son posibles grazas a unha parte do noso corpo que está nas nosas cabezas: O CEREBRO. O cerebro é o órgano máis complexo de todo o universo, por iso, estudalo e comprendelo foi (e aínda é!) moi difícil. Hai moitas cousas que aínda non sabemos nin entendemos del.